• Heilsuvernd

  • Heimildarmyndir

    "Open heart-surgery is radical. Eating oats and potatoes is not radical."

    - Dr. John McDougal, MD

    Forks Over Knives

    Grænkerafæði vinnur á helstu lífstílssjúkdómum.

    Bill Clinton gerðist vegan eftir hjartaáfall

    Bill Clinton, Dr. Esselstyn og Dr. Ornish ræða lausnir við hjartasjúkdómum.

    Dr. Neal Barnard

    Dr. Neal Barnard ræðir grænkerafæði og jákvæð áhrif þess á sykursýki og hjartasjúkdóma.

    Dr. Esselstyn

    Grænkerafæði dregur úr hjartasjúkdómum.

    Síðasta hjartaáfallið

    Þurfum við að upplifa hjartaáföll?

    Dr. T. Colin Campbell PHD

    Campbell ræðir grænkerafæði og orsakir krabbameina.

  • Vegan fyrir heilsuna

    Ástæður þess að fólk ákveður að forðast dýraafurðir eru margvíslegar. Sumir vilja viðhalda sem bestri heilsu og telja vegan fæði vera það besta sem þú getur boðið líkamanum uppá. Vegan fæði inniheldur engar dýraafurðir og samanstendur af baunum, korni, ávöxtum, berjum, grænmeti, hnetum, fræjum og sjávarplöntum. Það inniheldur sáralitla harða fitu og ekkert kólesteról.

    Vegan heilfæði

    Er dýraafurðalaust mataræði sem inniheldur sáralitlar unnar matvörur. Vinsældir vegan heilfæðis eru að aukast þétt eins og sést vel úrvalinu í heilsubúðunum í dag. Heimildarmyndin Forks Over Knives (2011) segir frá því hvernig vegan heilfæði getur komið í veg fyrir helstu lífstílssjúkdóma og átt þátt í að lækna þá.

     

    Dr. T. Colin Campbell, lífefnafræðingur mælir með að forðast allar dýraafurðir og tengir neyslu dýrapróteina við krabbamein og beinþynningu. Hann er einn af höfundum bókarinnar The China Study sem byggð er á víðamikilli rannsókn sem framkvæmd var af Oxford háskóla og Cornell háskóla yfir 20 ára tímabil.

     

    Dr. Caldwell Esselstyn telur dýraafurðir valda hjartasjúkdómum og hefur náð góðum árangri í að lækna alvarlega hjartasjúkdóma með mataræði.

     

    Dr. Joel Fuhrman, heimilislæknir og höfundur bókarinnar Eat To Live mælir einnig með vegan heilfæði. Hann leggur áherslu á þær fæðutegundir sem eru stútfullar af næringarefnum per hverja hitaeiningu. Plöntufæði uppfyllir þessi skilyrði og inniheldur að auki mettandi trefjar.

     

    Aðrir lærifeður veganisma í heilsuskyni eru til dæmis Dr. Dean Ornish (heilsuráðgjafi Bill Clintons), Dr. Neal Barnard, og Dr. John A. McDougall.

    Mjólk

    Harward háskóli hefur tekið kúamjólkina úr fæðupýramídanum sínum og bendir á að kúamjólk sé ekki góður kalkgjafi. Við fáum líka kalk úr plöntufæði eins og grænu laufgrænmeti, baunum, hnetum og fræjum. Mjólk hefur verið tengd við aukna hættu á brjóstakrabbameini, blöðruhálskrabba og beinþynningu. Nýleg rannsókn sýnir að mjólk hefur lítil varnaráhrif gegn beinþynningu en geti tvöfaldað hættuna á ótímabærum dauða. Rannsóknin fylgdist með um 61.000 konum og 45.000 körlum. Hvað varðar konurnar þá reyndist mjólkurneysla tengjast aukinni hættu á beinbrotum.

    Maðurinn er eina dýrið sem neytir mjólkur frá annarri dýrategund. Hann er líka eina dýrið sem neytir mjólkur eftir frumbernsku. Mjólk er hönnuð til að næra ungabarn eða kálf sem þarf að komast á legg og tvöfalda þyngd sína á sem allra stystum tíma. Hér má sjá samantekt úr 400 rannsóknum um efnið.

    Kjöt

    Maðurinn þarf ekki á kjöti að halda til að viðhalda góðri heilsu. Plöntufæði inniheldur meira nóg af gæðapróteinum. Prufið endilega að spyrja heimilislækninn ykkar að þessu í næstu heimsókn. Landlæknisembættið ráðleggur að takmarka neyslu rauðs kjöts við hálft kíló á viku (nautakjöt, kindakjöt og svínakjöt) og að takmarka sérstaklega neyslu á unnum kjötvörum (saltkjöt, spægipylsa, pepperóní, beikon, pylsur, bjúgu, kjötfars, hangikjöt og skinka).

     

    "Mikil neysla á rauðu kjöti, sér í lagi unnum kjötvörum, tengist auknum líkum á krabbameini í ristli og þyngdaraukningu. Feitar kjötvörur innihalda einnig mikið af mettaðri fitu. Sór hluti mettaðrar fitu í fæði Íslendinga kemur úr mjólkur- og kjötvörum. Með því að skipta út hluta af mettuðu fitunni fyrir ómettaðar fitusýrur má lækka LDL-kólesteról í blóði og minnka líkur á hjarta- og æðasjúkdómum."

    Heimild: Landlæknisembættið 2015.

    Yfirlýsing frá bandarískum næringarfræðingum

    „Það er afstaða Samtaka bandarískra næringarfræðinga að vel skipulagt grænmetisfæði, þar á meðal vegan fæði, er heilsusamlegt, inniheldur nóga næringu og getur nýst sem forvörn og meðferð vissra sjúkdóma. Vel skipulagt grænmetisfæði er viðeigandi fyrir einstaklinga á hvaða lífskeiði sem er, að meðtaldri meðgöngu, brjóstagjöf, ungbarnastigi, bernsku og unglingsárum og einnig fyrir íþróttafólk. Grænmetisfæði er skilgreint sem fæði sem inniheldur ekkert kjöt (þar á meðal fuglakjöt) eða fisk, eða vörur sem innihalda slíkt.“

    Skýrsluna þeirra má lesa hér.

    Næringarefni

    Öll næringarefni sem fást úr dýraafurðum er hægt að fá úr vegan fæði og sólarljósi. Eina bætiefnið sem mælt er með að allir taki er B12 vítamín. Ástæðan er sú að í dag er erfiðara að fá B12 úr fæðunni en áður. B12 kemur úr jarðveginum og fæðan sem við kaupum í búðum í dag er yfirleitt vel skoluð og enginn jarðvegur fylgir. Íslendingum er ráðlagt af næringarfræðingum að taka D-vítamín í samráði við heimilislækni vegna þess hversu lítinn aðgang við höfum af sólarljósi. Samtök grænmetisæta á Íslandi veita nánari fræðslu um næringu á heimasíðu sinnni.

    All Posts
    ×